25

سعودی حکومت نے پاکستان سمیت دیگر ممالک گئے ہوئے اقامہ ہولڈرز کی کرونا وائرس خاتمے تک سعودی عرب واپسی پر پابندی عائد کردی

ریاض:(ویب ڈیسک) تفصیلات کے مطابق سعودی محکمہ پاسپورٹ نے سماجی رابطے کی ویب سائٹ ٹوئٹر پر سعودی عرب سے چھٹی پر جانے والے مختلف ممالک کے افراد کیلئے احکامات جاری کردیئے۔

سعودی محکمہ پاسپورٹ کا کہنا ہے کہ پاکستان سمیت دیگر ممالک گئے ہوئے اقامہ ہولڈرز جلد واپس نہیں آسکتے، کورونا خاتمے تک چھٹیوں پر گئے تمام افراد کی سعودی عرب واپسی پر پابندی عائد کردی گئی ہے،فیصلہ کورونا کے پھیلاؤ کو روکنے کے پیش نظر کیا گیا۔ یاد رہے مارچ میں سعودی حکام کا کہنا تھا کہ اقامہ رکھنے والے وہ افراد جو فضائی راستے بند ہونے کی وجہ سے سعودی عرب واپس نہیں آسکے، ان کے ویزوں کی مدت میں توسیع کردی جائے گی۔ حکام کے مطابق اس فیصلے کا اطلاق نجی شعبے کےغیر ملکی کارکنان پر ہوگا، جن کےاقامےکی معیاد ختم ہوچکی ہے یا اٹھارہ مارچ کے بعد اور تیس جون تک ختم ہوگی۔ سعودی اداروں کی جانب سے یقین دہانی کروائی گئی تھی کہ جوں ہی حالات نارمل ہوں گے اور سفری پابندیاں ختم ہوں گی، تو ویزوں کی توسیع خود کار طریقے سے کی جائے گی۔ اس سے قبل مارچ مین سعودی عرب نے پاکستانیوں سمیت تمام اقامہ ہولڈرز کو ملک میں واپسی کیلئے 72 گھنٹے دیئے تھے،اور اسی دورانیے میں تمام عمرہ زائرین کو بھی ملک چھوڑنے کی ہدایات کی گئی تھی۔

اس خبر پر اپنی رائے کا اظہار کریں

اپنا تبصرہ بھیجیں